«Мээҥ ынак тыва хевим» деп акция-челленджти школавыска 27ниҥ хүнүнде 2 аҥгы бөлүктерге чарлып алгаш эрттирген бис.
10 шакта 1-4 класстар аразынга, 13 шакта 5-11лер аразынга эрткен.
Бөлүк бүрүзүнге башкылар болгаш 5,6 класстын өөреникчилери театржыткан кыска көргүзүг-биле ажытканнар.
Коллективтер национал хевин Тыва улустуҥ аас чогаалыныҥ янзы-бүрү жанрларын бараалгатпышаан камгалааннар: тыва хевиниҥ дефилези, Шагааныҥ Йөрээл сөзүн, тывызыктар, үлегер домактар, дүрген чугаа, узун тыныш, кожамыктар болгаш бир-ле белеткээни көргүзүг — ыры, танцы-сам, шүлүк дээш оон-даа өске уран талантылыг номерлер.
1-4 класстар аразынга национал хевин онза-солун камгалаан класстарны демдеглевес арга чок. Ол дээрге 2ги класстын коллективи, 3ку класстын коллективтери. 4 биле 1ги класстар база кызып көргүскеннер.
5-7 класстарнын аразында эки болган класс 7ги класстын коллективи. Уруглар чаҥгыс аай национал хептиг, дефилелеп көргүскеннер. 8-11 класстар аразынга бирги черге төлептиг болган 9, 11 класстар. 9 класстыҥ өөреникчилериниҥ хевин камгалап көргүскени кедергей чараш, солун болган.
Келир үеде салгалдарывыска чангыс улуг өнчүвүс — дылывыс, культуравысты камнап, хумагалап, өөредип, айтып берип чоруур болзувусса эки деп түҥнелге келдивис.
